1. Ümumi Müddəalar
Bu İstifadə Şərtləri ("Şərtlər") Felio platforması ("Xidmət", "Platforma") vasitəsilə təqdim olunan xidmətlərdən istifadə qaydalarını müəyyən edir. Platformaya qeydiyyatdan keçməklə və ya istifadə etməklə siz bu Şərtləri qəbul etmiş olursunuz.
Felio — istifadəçilərin CV-lərini yükləyərək süni intellekt vasitəsilə avtomatik portfolio veb-saytı yaratmağa imkan verən onlayn platformadır.
2. Hesab və Qeydiyyat
Xidmətdən istifadə etmək üçün qeydiyyatdan keçməlisiniz. Qeydiyyat zamanı:
- Doğru və aktual məlumatlar təqdim etməlisiniz
- Hesab məlumatlarınızın təhlükəsizliyinə görə məsuliyyət daşıyırsınız
- Platformadan yalnız qanunlara uyğun şəkildə istifadə etməlisiniz
3. Xidmət Planları
Felio aşağıdakı planları təklif edir:
- Trial (Sınaq): 7 gün pulsuz. 1 portfolio, gündə 3 CV yükləmə, subdomain, watermark.
- Premium: Aylıq ödənişli plan. 1 portfolio, gündə 20 CV yükləmə, bütün templatelar, watermark yoxdur.
- Pro: Tezliklə əlavə olunacaq.
Qiymətlər dəyişdirilə bilər. Dəyişikliklər barədə istifadəçilər əvvəlcədən məlumatlandırılacaq.
4. Ödəniş Şərtləri
Bütün ödəniş prosesləri E-point.az ödəniş sistemi vasitəsilə həyata keçirilir. Premium və Pro planlar üçün aylıq ödəniş tələb olunur. Abunəlik avtomatik yenilənir və istənilən vaxt ləğv edilə bilər. Abunəliyin ləğvi cari ödəniş dövrünün sonunda qüvvəyə minir.
5. Geri Ödəniş Siyasəti
Rəqəmsal xidmət (SaaS) təqdim etdiyimiz üçün, abunəlik aktivləşdikdən və xidmətdən (AI CV analizi, portfolio yaratma) istifadə edildikdən sonra ödənişlər geri qaytarılmır. Abunəliyinizi növbəti ay üçün istənilən vaxt ləğv edə bilərsiniz. Ləğv etdikdən sonra cari ödəniş dövrünün sonuna qədər bütün xüsusiyyətlərdən istifadə etməyə davam edə bilərsiniz.
6. Süni İntellekt Xəbərdarlığı (AI Disclaimer)
Felio portfolioları yaratmaq üçün üçüncü tərəf Süni İntellekt (AI) texnologiyalarından istifadə edir. AI tərəfindən yaradılan mətnlər bəzən qeyri-dəqiq və ya natamam ola bilər. Yaradılmış portfolionu dərc etməzdən əvvəl məlumatların doğruluğunu yoxlamaq tamamilə istifadəçinin məsuliyyətindədir.
Felio portfoliodakı məlumat xətalarına və ya bu xətalara görə yaranan hər hansı zərərə (məsələn, işə qəbul olunmamaq, şəxsi məlumatların yanlış göstərilməsi) görə məsuliyyət daşımır.
7. Ədalətli İstifadə Qaydaları (Fair Use Policy)
Sistemin sabitliyini qorumaq üçün hər bir planda göstərilən gündəlik AI analiz limitləri mövcuddur. Aşağıdakı hallarda Felio hesabı xəbərdarlıq etmədən bloklaya bilər:
- Hesabdan avtomatlaşdırılmış botlar və ya skriptlər vasitəsilə istifadə
- Kütləvi data çəkilməsi (scraping) məqsədilə istifadə
- API-lərin icazəsiz istifadəsi və ya reverse-engineering
- Digər istifadəçilərin təcrübəsinə mənfi təsir göstərən istifadə
8. İstifadəçi Məzmunu
Siz yüklədiyiniz məzmuna (CV, şəkillər, məlumatlar) sahib olursunuz. Lakin:
- Qanunsuz, təhqiredici və ya hüquq pozan məzmun yükləmək qadağandır
- Üçüncü şəxslərin hüquqlarını pozan məzmun yükləmək qadağandır
- Spam, zərərli proqram və ya aldadıcı məzmun yaymaq qadağandır
Felio bu şərtləri pozan məzmunu xəbərdarlıq etmədən silmək və hesabı bloklamaq hüququnu saxlayır.
9. Əqli Mülkiyyət
Felio platformasının dizaynı, kodu, templateları və ticarət nişanı Felio-ya məxsusdur. İstifadəçilərin yaratdığı portfolio məzmunu isə istifadəçiyə məxsusdur.
10. Hesabın Silinməsi və Məlumatların Ləğvi
Portfolionuzda ziyarətçilərin istifadəsi üçün "CV-ni yüklə" xüsusiyyətini təmin etmək məqsədilə yüklədiyiniz CV faylları serverlərimizdə (məlumat bazasında) təhlükəsiz şəkildə saxlanılır. İstifadəçilər istənilən vaxt hesablarını silə bilərlər. Hesab silindikdə, yüklənmiş CV-lər, yaradılmış portfoliolar və bütün şəxsi məlumatlar sistemimizdən qalıcı olaraq silinəcəkdir. Bu proses geri qaytarıla bilməz.
11. Xidmətin Dayandırılması
Felio aşağıdakı hallarda hesabınızı dayandıra və ya silə bilər:
- Bu Şərtlərin pozulması
- Qanunsuz fəaliyyət
- Ədalətli İstifadə Qaydalarının pozulması
- Platformanın normal işləməsinə mənfi təsir göstərən davranış
12. Məsuliyyətin Məhdudlaşdırılması
Felio xidmətləri "olduğu kimi" təqdim edir. Platformanın fasiləsiz və xətasız işləməsinə zəmanət verilmir. Felio texniki nasazlıqlar, məlumat itkisi, AI tərəfindən yaradılmış qeyri-dəqiq məzmun və ya üçüncü tərəf xidmətlərindəki problemlər üçün məsuliyyət daşımır.
13. Dəyişikliklər
Felio bu Şərtləri istənilən vaxt yeniləyə bilər. Əhəmiyyətli dəyişikliklər barədə istifadəçilər email və ya platforma daxilində məlumatlandırılacaq.
14. Əlaqə
Suallarınız üçün: hello@felio.me